۩ theprinces۩
من كبار الاصدقاء
 عدد المساهمات : 693
تاريخ التسجيل : 16/06/2009
العمر : 32
 |  موضوع: شات 2080  الأربعاء أغسطس 05, 2009 9:52 am | |
| فرافيرو: هااااااااااااااااى
سكامونى:هاى إنت جبت إيميلى منين
فرافيرو: من موقع احلم بمجرتك بعد ثانيتين دوت
كوم !!!!
سكامونى: طيب
فرافيرو: ممكن نتعرف؟
سكامونى: طبعا ممكن
فرافيرو: أنا فرافيرو من الأرض 4 سنين عميد كلية
السفن الفضائية فى الزهرة وإنت؟
سكامونى: أنا سكامونى من زحل 5 سنين ونصف
عالمعاش كنت شغال فى الطاقة الهيدروجينية فى
نيبتون قبل الحرب
فرافيرو: أهلا بيك يا سكامونى إنت طالع معاش من
إمتى؟
سكامونى: من 6 شهور تقريبا
فرافيرو: يا حرام !! 6 شهور بحالهم وعملت إيه يا
مسكين فى العمر دة؟
سكامونى: أبدا وحياتك معظم وقتى على النت
الفضائى أو للرحلات بين زحل والمشترى والقمر
وساعات المريخ
فرافيرو: ياة دة إنت حياتك صعبة قوى ربنا وياك
سكامونى: وإنت متى ستبلغ سن المعاش؟
فرافيرو: لا أنا لسة بدرى عليا قوى لسة سنة
بحالها
سكامونى: يا بختك يا فرافيرو
فرافيرو: بس إنت جميل قوى فى الكاميرا وباين
عليك الشباب ولا كأنك شاب عنده سنة ونصف
سكامونى: دة بفضل الجهاز الى اشتريته امبارح من
القمر بمجرد ما تدخل جواه يظبط لك شكلك
وجسمك ويمحى علامات الشيخوخة التى تظهر
بعد سن 4 سنين
فرافيرو: بكام جبته ؟
سكامونى: ب80 مليار قلحة عملة التبانة !!!!!
فرافيرو: بس دة رخيص قوى!
سكامونى: أصله مش مستورد دة تقليد إنما
الأصلى المستورد من مجرة تانية هتلاقيه أغلى
بكتير
فرافيرو: لا إحنا عاوزين نشجع صناعة مجرتنا
وشعارنا هو صنع فى التبانة!
سكامونى : عندك حق برضه 00000هى إيه
الدوشة الى سامعها حواليك دى ؟
فرافيرو: لا أصل العيال أحفادى عاملين هيصة عيال
أشقية قوى الكبير فيهم عنده 5 شهور عقبال عندك
نجح فى الثانوية العامة إمبارح وجاب تقدير يدخله
كلية عابرات المجرات فى بلوتو
سكامونى: ألف مبروك لحفيدك انا هبعتله هدية
دلوقتى بالقمر الطبيعى 000هبعتله سفينة فضاء
هدية
فرافيرو: ولو إنه عنده كتير لكن هات مش هيقول
لأ!!!
سكامونى: هه وصلت؟
فرافيرو : أة وصلت ميرسى جدا
سكامونى:قولى بقى إيه آخر الأخبار عندكوا فى
الأرض؟
فرافيرو: فى خبر لسة سامعه من شوية خلانى
عملتها على نفسى من الضحك
سكامونى:خبر إيه؟ 00 ضحكنى
فرافيرو(ضاحكا): بيقولك يا سيدى إن علماء الآثار
فى قطعة أرض قديمة قوى كانت إسمها أمريكا
عثروا على جسم واحد من أوائل القرن تخيل؟!!!!
سكامونى: يااااااااااااااااااااااااااااااااااااااااااااااااا ااااااه
هو لسة فى أثر للناس البدائية دى
فرافيرو:لا وإيه الإختبارات أكدت إنه كان رئيس لدولة
كان إسمها أمريكا وأسمه بوش وكانت متحكمة فى
العالم على أيامهم
سكامونى: فكرتنى بالإحتفال الى عملوه من يومين
لأكبر معمر فى المجرة وكان إحتفال إسطورى
فرافيرو: أكبر معمر فى التبانة00 ليه هو عنده كام
سنة؟
سكامونى : تخيل فضل عايش لغاية ماعمره وصل
13 عاما!!!!!!!!!!!!!!
فرافيرو: ياااااه معقولة إزاى وصل للعمر دة وحالته
كانت إيه؟ احكيلى
سكامونى: هو كان بيموت بقاله 6سنين بس فضل
فى مستشفى الحياة الأبدية فى عطارد ويحاول
الأطباء جيل بعد جيل إنهم يجعلوه عايش أكتر مدة
ممكنة ولما وصل للسن الكبير قوى دة(13 سنة)
عملوا له إحتفال أسطورى حضره كل ملوك ورؤساء
التبانة وإتنقل على الهواء بالقمر الطبيعى على كل
الشاشات السماوية لكل سكان التبانة 0000هو
إنت ماشفتوش؟
فرافيرو: لا أصلى كنت فى مجرة تانية بصيف !!
المهم هو عامل إيه دلوقتى؟
سكامونى: لأ ماهو الراجل ما إستحملشى إنه
يشوف الإحتفال دة ومات فى ثانيتها(بدل ساعتها)
فرافيرو: يا عم كفاية عليه 13 سنة هو إيه هياخد
زمنه وزمن غيره كمان!! بس إحنا نكما ال8 سنين
ونحمد ربنا على كدة
أخبار الحرب فى نيبتون إيه؟
سكامونى: آخر الأخبار إن رئيس أورانوس أعلن إنه
هيسحب سفنه الفضائية وجيشه الآلى من نيبتون
بعد هدنة مع رئيسها لمدة 3 أيام
فرافيرو: أهى مدة كافية عشان ينموا بلادهم من
تانى!!!
سكامونى:على رأيك
فرافيرو : أنا سعيد جدا بمعرفتك وإن شاء الله نتقابل
فى أى كوكب قريبا
سكامونى: أكيد طبعا
فرافيرو: أنا هستأذن دلوقتى عشان ورايا محاضرة
مهمة بعد دقيقتين فى الزهرة وسائق الصاروخ وصل
فوق وعمال يضربلى فى شظايا(بدل الكلاكسات)
عشان أطلع له
سكامونى: طيب هشوفك إمتى تانى؟
فرافيرو: بعد 25 دقيقة لأنى مشغول قوى
سكامونى: ياااه بس دة كتير قوى 00على العموم
حاول تيجى بدرى عن كدة
فرافيرو: حاضر هحاول
باى
سكامونى: باى
| |
|
احمد متعب
Admin
 عدد المساهمات : 1671
تاريخ التسجيل : 02/06/2009
| | موضوع: رد: شات 2080 الأربعاء أغسطس 05, 2009 2:29 pm | |
| فرافيرو: أنا هستأذن دلوقتى عشان ورايا محاضرة
مهمة بعد دقيقتين فى الزهرة وسائق الصاروخ وصل
فوق وعمال يضربلى فى شظايا(بدل الكلاكسات)
عشان أطلع له
سكامونى: طيب هشوفك إمتى تانى؟
فرافيرو: بعد 25 دقيقة لأنى مشغول قوى
..................
هههههههههههههههههههههههههههههههه
ميرسى اوى | |
|
۩ theprinces۩
من كبار الاصدقاء
عدد المساهمات : 693
تاريخ التسجيل : 16/06/2009
العمر : 32
| | موضوع: رد: شات 2080 الخميس أغسطس 06, 2009 8:37 am | |
| ميرسي ليك احمد نورت التوبيك  | |
|
تغريد
من كبار الاصدقاء
عدد المساهمات : 956
تاريخ التسجيل : 16/06/2009
العمر : 30
الموقع : مصر -القاهرة
| | موضوع: رد: شات 2080 الأحد أغسطس 09, 2009 10:56 am | |
| لا يا راجل على كدا بقى دول يعملولنا احتفال ازاى على كدا دول يعملولنا تمائيل
عشان عندنا 16 فاكثر هههههههههههههههههههههههههههههههههههههه
تسلمى يا قمر على التوبيك دا | |
|
