كرسي الاعتراف

ايه دا يا بنى ادمين اغيب كام يوم اجى الاقى نفسى محطوطة على كرسى الاعتراف
عموما انا مواقفة ابدا اسالو
انا مستعدة

وانا بصراحة شايفة ان هدى سألت على كله ومحتاجين نسمع اجابتك يا توتى

هههههههههههههههههههههه
يا بنت الايه كل دى اسئلة عمتا انا على اتم الاستعداد


اسمك؟

تغريد فريد

سنك؟

15 ونص


هوايتك؟

الاساسية تأليف القصص والسناريوهات اما التانية فهى الرسم

اهم ميزة فيكى؟

انى هادية ومش بتاعة مشاكل دا احيانا وعندى ثقة كبيرة فى نفسى وفى قدراتى


اهم عيب فيكى؟

انى لما عصبية شوية ومش حنينة وقاسية


مين اكتر انسان عزيز على قلبك؟

اكتر انسان عزيز على قلبى امممممممم ابوتريكة وصحبتى
اكتر عضو بتحبيه فى المنتدى؟

بجبكم كلكم والله بس لو عايزين واحد بس ممكن نقول احمد متعب


اكتر قسم عاجبك فى المنتدى؟

نبضات وفرفشة

ايه اكتر اكلة بتحبيها؟

المحشى والمكرونة بشاميل والبامية والملوخية كتير مش كدا
مين اكتر واحد بتكرهيه؟

من غير شك عمتى


ايه المكان اللى بتحبي تعدي فيه؟

دلواتى مفيش غير بيتى دا طبعا عشان فيه النت اما بقى غير بيتى فهو بيت جدتى بس دلوات مش بحبه اوى يعنى

ايه لونك المفضل؟

الاسود والاحمر والفوشيا

يلا بقى ادى اول واحدة فين الباقى

يا نهار مدوحس كل دى اسئلة وكلها صعبة الحمد لله عمتا انا على اتم الاستعداد يا اخت


باقة ورد لمن تهديها؟؟؟

لهدى واحمد متعب

شخص لا ترفضي له طلبا؟؟

صحبتى واحمد متعب

من هو توأم روحك؟؟

ريم بنت عمى

اذا اردتى ان تبكي فـ علي من تبكي؟؟

مش هخلى حد يشوف دموعى ولو حكمت اوى يعنى يبقى ماما او صحبتى او ريم
اى حد منم

من ستختاره ليمسح دموعك؟؟

ايديا ماحدش غيرها

لو خيروكى بين حبيبك وبين اعز صديق فمن تختاري

ممممممممممم لا دا صعب اوى عمتا ممكن اختار الاتنين ولو عايزين واحد خلونا فى اعز صديق

.ماهو تقييمك لهذا المنتدى بصراحه ؟

والله منتدى جميل جدا يعنى هنقول 9.5من10

.من يسكن قلبك؟

محمد ابوتريكة

.هل تعتقدى ان حظك سيئ؟

لا الحمد لله اى نعم الدنيا معصلجة معايا حبتين بس انا احسن من غيرى

.هل هزمك حزنك في يوما من الايام؟

اه

.((مستحيل انساك)) لمن تقوليها ؟

ابوتريكة واحمد متعب


.(( انت كل شيء بحياتي )) لمن تقوليها ؟

هقول طموحى ومستقبلى كل شىء فى حياتى

متى اخر مره بكيتي؟

ههههههه انا بعيط وانا بكتب الكلام دا اساسا يعنى تقدرو تقول دلواتى

اي الدول تتمنى ان تزوريها ؟

السعودية وبعد كدا امريكا او فرنسا


هل انت راضية عن نفسك ؟

يعنى نقول 85 %100 رضا

.ايهما اهم شهادتك الجامعيه أم الزواج ممن تحبي ؟


لا الاتنين مهمين اوى بس الاول شهادتى عشان اللى هتجوزو مش يقولى يا جاهلة

.هل تعترفي بشيء اسمه الصداقه بين الرجل والمرأة ؟

اه اعترف

.هل انت مدمنة تفكير؟

يعنى مش اوى لما بعوز افكر بفكر وبشدة

.من هو اكثر شخص تفكري فيه؟

ابوتريكة وانا


.هل تكرهي شخص بشده في حياتك ؟

بشدة لا انما بكره عمتى

.ما هو اقتراحك الذي تتمنى ان يحدث في هذا المنتدى ولم يحدث الى الان ؟

عادى كل حاجة هنا تومام يا معلمين

.ماالذي يلفت انتباهك بسرعه في الشخص لكي تعجبي به ؟

سرعة بديهته واخلاقه ونضافة اسنانه قبل كدا زكائه

اذا احببتي شخصا في الوقت الخطأ وفي المكان الخطأ فماذا تفعلي ؟؟

هبعد عنه فورااااااااا لحد مايكون مناسب

.حكمة تؤمني بها جدا؟؟

وراء كل عظيم امراة اعظم ودور على خناقة بين اتنين رجالة هتلاقى سببها امراة


.ماذا تفعلي اول شيء اذا ربحت مليون ؟

هروح اصلى لله شكر ليه وبعدين اروح اديى جزؤ منه زكاة

.اعتذار تريدي ان تقدميه لمن؟

دلواتى مفيش لو قبل كدا بكام شهر كنت هقوله لاستاذ الرياضة بتاعى
وهقوله اسفة انى اخدت فكرة وحشة عنك

اللى بعده يا بنى ادمين

اهى اهى اهى اهى
يعنى هقد كدا من غير اسئلة انا عاوزة اتسئل مليش دعوة
يا اما هروح اقول لماما وبابا واخليه يشنعو المنتدى بالشمع الاصفر

اه طبعاااااااااااااااا انا هنا عشان اتسال من اجل خاطركم

انا بقى يا سيتى ماحبتش قبل كد خالص

يا خرابى ايون كدا انا احب الاسئلة الصعبة بس هجاوب بردو
1-امنية تمنيتها ولم تتحقق؟
كتير اوى مش فاكرة معظمهم بس نقدر نقول انى كنت امتنى انى الاقى صديقة بجد تسال عليا لشخصى ومش لما يكون فى مصلحة تكلمنى

2-ايه هى اخر هدية اهدت لكى ومن مين ؟
اخرها كانت اغنية اجدع صحاب لسومة وكانت من سلمى

3-ما هي القناة الفضائية المفضلة لديك ؟
مفيش اصلى مش من هواة التليفزيون

4-ماهي أجمل لحظة بحياتك ؟؟؟؟؟؟
مش فاكرة الحظات الحلوة كلها زى بعض

5-ما هو اسوء شيء في الحياه ؟؟
الخيانة والكدب

6-- ما رأيك بالآتي...
الصداقة / شىء جميل جدا لازم الواحد يجربها والانسان بيقعد يدور عليها فى ناس محظوظة بتلاقيها وناس
الأنانية /يععععععع صفة قبيحة جدا وشغور غبى اوى لما الواحد يفكر فى نفسه وبس
المصلحة / مش عيب ان الواحد يدور على مصلحته بس العيب ان الواحد يدور على مصلحته بس لازم كمان يدور على مصلحة غيره المال / فى الزمن دا بقى مهم جدا الناس بتعيش عشان تجمع المال مع انهم عارفين انهم مش هياخدوه معاهم فى الاخرة
الواسطة../دى طرق للناس الفاشلة الناس اللى قلوبها ضعيفة انا ميهمنيش واسطة طول مانا فى السليم
اصحاب النت ؟؟؟ بيقولو ان اصحاب النت وحشين ومش محل ثقة انما انا الحمد لله لحد دلواتى مالقتش ناس مش كويسة عشان ربنا بيخلى الناس المناسبة تتقابل مع بعضها الحمد لله

7-أول قسم تدخليه بالمنتدى ؟ ؟
قسم تعالو نتعرف عشان اعمل توبيك ترحيب هههههههههه

8-أكثر شي عاجبك في المنتدى ؟
انكم انتو اللى فيه

9- أكثر شي مضايقك في المنتدى ؟
ان اعضاءه قليلين الى حد ما انا نفسى يبقى كبييييييييير اوى

10- ماهو أعظم درس تعلمتيه في مدرسة الحياة ؟
ان مفيش حاجة تستاهل دمعة من عنيا وان اللى يعض صباعى لازم اقطعله رقبته

11- إذا فقدت أعصابك ايه اللى ممكن تعمليه وقتها ؟؟؟
ممكن اقول كل اللى فى قلبى وانفجر فى اللى ادامى وراى بصراحة
وساعتها مش هيهمنى زعله

12- ما هي التجربة التي تتمني تكرارها ؟
امممممممم تجربة النجاح النجاح شعور كويس وجربته انما بقى لو تقصدى تجربة مش جربتها وعايزة اجربها اممممم ممكن تقولو الحب او الصداقة الجادة

13-لديك ورقة وقلم وبطاقة ووردة....ماذا ستكتبى على البطاقة ولمن ستقدمى الوردة والبطاقة؟
اممممممم هكتب مبروك النجاح ويارب دايما فى تفوق وهقدمها لاحمد متعب بماانه يعنى لسه ناجح

14- همسة باذن عضو...من هو . وماذا ستهمسى له؟
سلمى هقولها بحبك اوى وخليكى كدا زى مانتى فرفوشة ومش تتغيرى
وارجعلنا بقى عشان انتى وحشتينى موت

15-ماذا يعني لكى الصفاء ياااااااااه انى اكون مرتاحة مافكرش فى حاجة معقدة انى اتنفس بكل سهولة
الامل, الامل حاجة جميلة جدا تعنى ان فى نقطة بيضا فى ظلام حالك
انا بجرى بقى ورا النقطة دى ممكن لما اقرب منها تكون كبيرة ودى عند ناس طموحة وممكن لما امشى وراها الظىم يكبر ويبقى متوحش اكتر ودى عند ناس متاشئمة
الوفاء,شعور جميل ومش متعب ومريح جدا وبيدى احساس ان الانسان له لزمة انه يعيش مادام فى حد وفى معاه
الاخلاص,ياااااااااااه من اجمل الصفات وصعب اوى الواحد يلاقى حد مخلص ليه ولما بيلاقيه بيكون طاير من الفرحة لانه حس ان فى حد بيحبه فى الحياة ودا شعور رائع
الحب؟ احساس رائع بشمل كل حاجة حلوة فى الحياة الحب يعنى احترام وتقدير من كلا الطرفين يعنى خوف غيرة يعنى امن وامان يعنى اتنفس براحتى انى ماخفش من حاجة وانا معاه انى اكون فرحانة وطايرة فى السما بس رجليا على الارض يعنى ثقة بالنفس يعنى لما اكون معاه ابقى اقوى نكون ايد واحدة الحب شجاعة قوة الحب صدق واخلاص ووفاء الحب طموح وامل الحب نجااااااااح