شغل عياااااااااااااال

ازيكم يا حبايبى عاملين ايه .........العبة دى فكرتها عحبتنى جدا لانها لذيذة اوى

وموجودة كمان فى منتديات تانية بس يا رب تعجبكم وتتفاعلو معاها

بصو يا قمامير احنا هنعمل شغل عيال خالص طبعا انتو بتسالو ازاى يعنى شغل عيال

اقولكم ازاى يعنى انا دلواتى هختار عضو هنا العضو دا يدور على طفل (عيل يعنى )

بس بشرط يكون العيل دا مش يزيد سنه عن 10 سنين والا براءة الاطفال هتروح هههههههههه

المهم انه يكون اى عيل (اختك .اخوك . ابن اختك .ابن اخوك .ابن عمك او عمتك . ابن الجيران .اى حد معرفة )

بعد مانجيب العيل دا هنساله شوية اسئلة كدا خفيفة ونعرف منه اجابات على الاسئلة دى

ويتم طرحها زى ماهى من غير تغير او تحريف او تزويق والعضو اللى انا هختاره بعد مايجيب اجابت العيل دا

يختار العضو اللى بعديه وهكذا فى النهاية هنشوف ونختار مين اكتر عيل جاوب بكل بساطة وبراءة

طبعا مش هيكون فى اطفال بريئة اليومين دول زمن الاطفال خلصو من زماااااااان ههههههههههه

على العموم يا رب الفكرة تعجبكم واقى فى تفاعل والاسئلة اللى هتتسال للعيال اهى

هتعمل ايه لو بقيت فاضى ؟

لو فزت بالف جنيه هتعمل بيهم ايه ؟

لو بقيت مدير مدرسة هتعمل ايه فيها ؟

بحبنى يا.....؟؟ اوباااااااا بقى لو طلع مش بيحبك تكتب الاجابة بصراحة وخليه يقول ليه بيحبك او بيكرهك ؟؟

تعرف ايه عن :........

الانسولين

الانترنت

مجلس الشورى

التعليم العالى

الماركة

الستالايت

اتمنى ان الفكرة تعجبكم واول شخص هاختاره هيكون ميييييييين

نقول سلمى (theprinces)

يلا يا سلمى جبلنا عيل واساليه المدة المتاحة ادامك اسبوع من اول يوم تعرفى فيه

يا جماعة يلا بقى حد ينادنا سلمى عشان ننجز

يا سلمى سلمى سلمىىىىىىىى انزلى عمرو عايزك اقصد تغريد ههههههههههههههه
سلمى يا سلمى اين انتى يا سلمى هههههههه ميرسى يا تغريد فكرة تجنن يا عسل بس فين سلمى
سلمى سلمى كلمى يا سلمى

يا سلــــــــــــــــــــــــــــــــــــــمى
عاوزينك يا قمر
ميرسى يا عسل ويارب تكون عجبتك

ميرسى التوبيك جااااامد

العفو يا قمر منورة بس فين سلمى عاوزينها لو مش ظهرت
على يوم السبت هنضطر نغيرها

اوكـ يا جماعة سلمى اتاخرتـ اوى فى الرد هختار عضو تانى بس ياريت على وجه السرعة
لان وقتى ضيق وكمان النت هيتشال اوكـ
العضو اللى هيجيب العيل ويسئلو مونى مجدى
اوكـ يالا يا منى بقا شوفيلنا عيل عندك واسئليه

ههههههههههههههههههههههه
اولا انا بحيكى بجد ع اللعبه الجميله اوى دى
ثانيا انا ف شرم يعنى مش عندى عيال خالص
غير بنت عندها 7 شهور تنفع هههههههههههههه
لو تنفع قوليلى وانا اسالها

حلوة اوى الفكرة ياتغريد
بس ايه الاسئلة دى
جامدة اكيد ولا هيعرفوا حاجة
ههههههههه

هو انتى قصدك سلمي انا ولا سلمي هى
وضحي سلمي مين
ههههههههههههه

لا سلمى انتى يا قمر كلامى واضح
خلاص شلنا منى وحطينا سلمى اوك
حاولى بقا تيجيى ااجوبة فسرع وقت ممكن اوك

اوك ياقمر
عبد الله اخويا 6 سنين
هيجاوب
يلا يابيدو

هتعمل ايه لو بقيت فاضى ؟
هلعب مع اصحابي

لو فزت بالف جنيه هتعمل بيهم ايه ؟
هجيب بيهم موبيل وعجلة

لو بقيت مدير مدرسة هتعمل ايه فيها ؟
هضرب العيال لو غلطوا
وهطلعهم فسحة كتير

بحبنى يابيدو؟؟ اوباااااااا بقى لو طلع مش بيحبك تكتب الاجابة بصراحة وخليه يقول ليه بيحبك او بيكرهك ؟؟
اتكسف وشاور ايوة
هههههههه
كان عارف ايه هيحصله لو قال لا

تعرف ايه عن :........

الانسولين
لا مش اعرف ايه ده

الانترنت
بلعب عليه

مجلس الشورى
ايه ده وانا ايه عرفنى

التعليم العالى
مين؟
لما اروح الجامعة ابقا اقولك

الماركة
مش عارف ايه الكلام ده

الستالايت
مش عارف وسيبينى بقا اروح العب خلصي

هههههههههههههههه
بس ده اللي عرفت اخده منه اصله لمض
ده طلع عينى لحد ماجاوب علشان عطلته عن وقته الثمين

هختار تغريد بعدى
يلا ياقمر

Admin عدد المساهمات : 1671 تاريخ التسجيل : 02/06/2009

انا مش فاهم حاجه ؟

بص يا احمد بنختار واحد ونخليه يجيب طفل صغير
ويسال الطفل ده الاسئلة دى
ويكتب الاجابة زى ما قالها بالظبط
انا مثلا جبت اخويا الصغير بيدو وسالته الاسئلة دى وجاوب الاجابات دى
بس

فين تغريد